सुनसरीको सबै भन्दा बढी इटहरीमा कोरोना संक्रमीत

 इटहरी । सुनसरीमा सबै भन्दा बढी इटहरीमा कोरोना संक्रमीत पुष्टि भएका छन ।

शुक्रबार दिउँसो सम्मको तथ्यांक अनुसार इटहरीमा मात्रै २ सय २३ जनामा कोरोना संक्रमण पुष्टि भएको छ । इटहरीमा वडा नम्बर १५ बाहेकका सबै वडामा कोरोना संक्रमीत फेला परिसकेका छन् । हाल सम्म सो वडा १५ मा २० जना जनप्रतिनिधि , व्यवसायी , र केहि स्थानीयहरूको मात्र पिसिआर परिक्षण गरिएको जसमा सबैको रिपोर्ट नेगेटिभ आएको छ ।

वडा नं १५ का वडाध्यक्ष श्रवण कुमार चौधरीका अनुसार वडामा उच्च सतर्कता अपनाइएकै कारण अहिले सम्म कोरोना संक्रमण देखिएको छैन । उपमहानगरले पिसिआर परिक्षणको दायरा बढाइरहदा त्यहाका स्थानीयहरू परिक्षण गर्न नमानेको बताइएको छ । वडाध्यक्ष श्रवण चौधरीले पनि पटक पटक पिसिआर परिक्षण गर्नुपर्छ भन्दा गाउलेहरू नमानेको बताउछन । अहिले सम्म सुरक्षित रहेको भनिएपनि इटहरी वडा नं १५ को चारैतिर संक्रमणले छोएको क्षेत्रहरू रहेका छन ।

वडा १५ को उत्तरमा इटहरी १६ पर्छ भने दक्षिणमा इनरूवा नगरपालीका ६ र ७ पर्छ , त्यस्तै पूर्वमा गढी गाउपालीका १ पर्दछ भने पश्चिममा रामधुनी नगरपालीका १ पर्दछ ।