प्रदेशका मन्त्रीलाई नै कोरोना संक्रमण

 सुनसरि । समुदायमा फैलिएको कोरोना संक्रमणको अनुगमनमा पुगेका प्रदेश १ का सामाजिक विकासमन्त्रीलाई नै कोरोना संक्रमण पुष्टि भएको छ ।

सामाजिक बिकाश मन्त्री जीवन घिमिरेलाई कोरोना संक्रमण देखिएको हो । प्रदेश प्रयोगशाला विराटनगरमा सोमबार साँझ गरिएको परीक्षणमा मन्त्री घिमिरेलाई संक्रमण पुष्टि भएको हो ।

भदौ १३ गते धनकुटा अस्पतालको निरीक्षणमा गएर फर्किएपछि उनलाइ झाडापखाला भएको थियो । सोमबारदेखि ज्वरो पनि आएको मन्त्री घिमिरेको सचिवालयले जनाएको छ । शनिबार साझदेखि घिमिरे निवासमै रहेका छन । मन्त्री घिमिरेले आफ्नो स्वास्थ अवस्था सामान्य रहेको जानकारी दिएका छन ।