धरानमा कोरोना संक्रमित १ सय ४४ पुगे

धरान । धरानमा कोरोना संक्रमितको संख्या १ सय ४४ पुगेका छन् । संक्रमित हुनेहरू मध्ये दुई जना बीपी कोइराला स्वास्थ्य विज्ञान प्रतिष्ठान भित्र कार्यरत हुन भने दुई जना पुरुष प्रतिष्ठान बाहिरका हुन् ।

आइतबारको रिपोर्ट अनुसार बीपी कोइराला स्वास्थ्य विज्ञान प्रतिष्ठानमा कार्यरत सेक्युरिटी, कर्मचारी र प्रतिष्ठान बाहिरका २ जना सहित थप ४ जनामा कोरोना सङ्क्रमण पुष्टि भए सँगै १ सय ४४ जना पुगको छन् ।

सङ्क्रमण पुष्टि भएकाहरूमा बीपी कोइराला स्वास्थ्य विज्ञान प्रतिष्ठानमा सेक्युरिटीमा कार्यरत ३८ वर्षीय पुरुष, प्रतिष्ठानकै कर्मचारी ४७ वर्षीय पुरुष, धरान १८ को ५२ वर्षीय पुरुष, धरान १० पुतलीलाईन बस्ने प्रतिष्ठानको स्टाफ क्वाटरमा आउजाउ गरी रहने एक जना ३३ वर्षीय पुरुषमा कोरोना संक्रमण पुष्टि भएको धरान उपमहानगरपालिकाका स्वास्थ्य महाशाखाका प्रमुख उमेश मेहेताले जानकारी दिएका छन् ।