_1693980289.gif "#")
विराटनगर । प्रदेश १ को राजधानी विराटनगरमा जारी गरिएको निषेधाज्ञा कडा बनाइएको छ ।
जिल्ला प्रशासन कार्यालय मोरङले निषेधाज्ञाको पालना गर्न सर्वसाधारणमा समेत अपिल गरेको छ । विराटनगरका सबै वडा, बुढीगंगा, रंगेली र कटहरीमा पाँच दिने निषेधाज्ञा जारी भएको छ ।
जिल्ला सुरक्षा समितिको बैठकले कोरोना भाईरसको संक्रमण बढ्न थालेपछि निषेधाज्ञा लगाएको हो । बढ्दो संक्रमण रोकथाम गर्न र घटाउन सरकारले प्रयास गरिरहेको छ । लकडाउनको अवधि सकिएसंगै विराटनगरमा निषेधाज्ञा जारी भएको हो ।
गए रातिदेखि विराटनगर महानगरपालिका, बुढीगंगा गाउँपालिकाको वडा नम्बर १,२, ३, र ४, कटहरी गाउँपालिकाको वडा नम्बर १ देखि ५ सम्म, र रंगेली नगरपालिकाको ४ देखि ७ सम्मका वडामा पनि निषेधाज्ञा जारी गरिएको मोरङका प्रमुख जिल्ला अधिकारी कोषहरी निरौलाले जानकारी दिएका छन । बजार सुनसान भएका छन । पसल बन्द छन । मानिसको आउजाउमा कडाइ गरिएको छ ।
