_1693980289.gif "#")
विराटनगर । प्रदेश १ सरकारले कोरोना संक्रमण देखिने बिरामीको लागि उपचार गर्न बनाएको कोशी अस्पताल कोभिड १९ उपचार केन्द्र विराटनगरमा अब लक्ष्यण देखिने संक्रमितलाई मात्र प्राथमिता दिइने भएको छ ।
पछिल्लो समय लक्षणसहितका संक्रमित बढेसँगै कोभिड अस्पतालमा सुविधाहरु विस्तार गर्दै लक्षण भएकाहरुको उपचारमा बढी प्राथमिकता दिईने अस्पताल संयोजक डा. दीपक सिग्देलले बताए । भने,“लक्षण नभएकालाई राख्दै नराख्ने भन्ने होईन, लक्षण भएकालाई बढी प्राथमिकता दिईने छ ।” कोभिड उपचार केन्द्रमा आईसीयु र भेन्टिेलेटरसहितको सुविधा विस्तार गरिएको बताए । उपचार केन्द्रमा ५ वटा भेन्टिलेटर र १० वटा आईसीयु बेड तयारी अवस्थामा राखिएको डा.सिग्देलको भनाइ छ ।
आईसीयु र भेन्टिेलेटर वेडसँगै आवस्यक जनशक्तिलाई तालिमको प्रबन्ध भएको सामाजिक विकास मन्त्रालयले जनाएको छ । २० जना स्टाफ नर्स र १० जना चिकित्सकलाई प्रदेश स्वास्थ्य तालिम केन्द्रले तालिमको प्रबन्ध गरेको सामाजिक विकास मन्त्री जीवन घिमिरेले बताए । सुविधा बिस्तारसँगै जनशक्तिको अभाव नहोस् भन्नका लागि तालिमको प्रवन्ध गरेर जनशक्तिलाई तयारी अवस्थामा राखिएको मन्त्री घिमिरेले सुनाए ।
कोभिड १९ उपचार केन्द्रमा आईसीयु र भेन्टिलेटर सुविधा थपिएसँगै वेड संख्या १ सय पुगेको छ ।
