कोरोनाबाट विराटनगरमा मात्रै ६ जनाको मृत्यु, लक्षणसहितका संक्रमित थपिदै

विराटनगर । कोरोनाका प्रदेश राजधानी विराटनगरमा ज्यान गुमाउनेको संख्या ६ पुगेको छ । प्रदेश १ मा सबैभन्दा धेरै मोरङमा संक्रमितको मृत्यु भएको ।

शुक्रबार कोशी अस्पतालमा विराटनगरका एक युवाको ज्यान गएको छ । ज्वरो आउने र श्वास प्रश्वासमा समस्या भएपछि आईसोलेसनमा भर्ना गरिएका युवाको मृत्यु भएको कोशी अस्पतालले जनाएको छ । यसअघि विराटनगर–९ का गुद्रीक्षेत्र दुई जना, वढा नम्बर ३, ५ र १० नम्बरका एक–एक जना छन् । मोरङको सुनवर्षी र रंगेलीमा पनि एक एक जनाको कोरोनाकै कारण मृत्यु भएको छ ।

बिहीबार नै सिरहाका ४० वर्षीय पुरुषको पनि कोशी अस्पतालमा मृत्यु भएको आईसोलेसनका इन्चार्ज डा. लक्ष्मीनारायण यादवले जानकारी दिएका छन् ।

विहीबार मृत्यु भएका विरानगरका गुप्ता थरका युवकमा पहिलो रिर्पोट नेगेटिभ र पछिल्लो पिसिआर रिपोर्ट पोजेटिभ आएको यादवले जनाए । प्रदेश राजधानी कोरोना संक्रमणको दृष्टिले हटस्पट बनेपछि महानगरले भदौ ५ गतेसम्मको लागि लकडाउन थप गरेको छ ।