इलाममा कन्ट्रयाक टेङसिमा परेका चार जनामा देखियो कोरोनाको संक्रमण

इलाम इलामको सन्दकपुर गाउँपालिकाको चार जनामा कोरोनाको संक्रमण पुष्टि भएको छ । एक जना जनप्रतिनिधि सहित तीन जना हाइड्रो पावरको कर्मचारीमा कोरोनाको संक्रमण देखिएको हो ।

५० जनाको स्वाब परिक्षण गर्दा ५५ बर्षका जनप्रतिनिधि सहित पञ्चकन्या हाइड्रो पावरको ५०, ३५ र २७ बर्षका कर्मचारीमा कोरोनाको संक्रमण पुष्टि भएको गाउँपालिको स्वास्थ्य शाखाका कोभिड १९ का फोकल पर्सन मनोज धुर्जारले जानकारी दिए । उनीहरुलाई सदरमुकाम स्थित जिससको आइसोलेसनमा राख्ने तयारी भइरहेको धुर्जारले बताए ।

सन्दकपुर गाउँपालिकामा रहेको पञ्चकन्या हाइड्रो पावरको क्यानल पहिरोको जोखिममा परेपछि त्यसको अध्ययनको लागि काठमाण्डौबाट आएको टोलीमा सहभागीमा समेत कोभिड १९ पुष्टि भएपछि सन्दकपुर गाउँपालिकाले एक साताको लागि पालिका क्षेत्र लकडाउनको घोषणा गरेको थियो ।

उनीहरुको कन्ट्रयाक टे«सिङ्गमा परेका व्यक्तिहरुको स्वाब कोभिड परिक्षणको लागि पठाइएको थियो । इलाममा अहिलेसम्म ८१ जनामा कोरोना संक्रमण पुष्टि भइसकेको छ ।