विराटनगरमा न्यायाधीशलाई कोरोना भएपछि अदालत बन्द

विराटनगर । विराटनगरमा न्यायाधीशमा पनि कोरोना संक्रमण देखिएको छ ।
अदालतबाट संकलन गरिएको स्वाब कोशी अस्पतालको ल्याबमा परीक्षण गर्दा पोजेटिभ आएको हो ।
जिल्ला अदालत मोरङका न्यायाधीशसहितका कर्मचारीको पीसीआर परीक्षण भएको थियो । एक जना न्यायाधिशमा संक्रमण पुष्टि भएको हो ।

अदालतका सूचना अधिकारी युवराज पौडेलका अनुसार अदालतको सेवा तीन दिनका लागि बन्द गरिने भएको छ ।
अदालतका अन्य कर्मचारीको कन्ट्रयाक ट्रेसिङ गरी स्वाब लिन र परीक्षण गर्न विराटनगर महानगरपालिकालाई आग्रह गरिएको पौडेलले बताएका छन् ।