विराटनगरमा १ जना पत्रकारलाई कोरोना संक्रमण

विराटनगर । विराटनगरका १ जना पत्रकारमा कोभिड १९ पोजेटिभ रिर्पोट आएको छ ।
नेपाल पत्रकार महासंघ मोरङ शाखाका अध्यक्ष बन्धु पोखरेलले दिएको जानकारी अनुसार संक्रमित पत्रकारले महासंघद्वारा गराइएको कोरोना बीमाको रकम भुक्तानीको लागि निवेदनसमेत दिएका छन् ।

अध्यक्ष पोखरेलले महासंघले अजोड इन्स्योरेन्ससंग सम्झौता गरी कोरोना बीमा गराएको जानकारी दिंदै भने,“महासंघले पहल लिएर मोरङ जिल्लाभरका दुई सयभन्दा धेरै पत्रकार र परिवारको कोरोना बीमा गराएका छौं । विराटनगरकै एकजना साथीले बीमा भुक्तानी दाबी गर्दै निवेदन दिनु भएको छ ।”

संक्रण पुष्टि भएका पत्रकारले साउन १९ गते स्वाब दिएका थिए । महासंघका सदस्य उनी विराटनगरमा साप्ताहिक पत्रिका प्रकासन गर्छन । कोरोना बापत बीमाको भुक्तानी दाबी पीसीआर पोजेटिभ रिर्पोट, निवेदन, नागरिकताको फोटोकपी र महासंघको सिफारिस पत्र चाहिने बताए । यो बीमा रु. १ लाखको हो ।