_1693980289.gif "#")
विराटनगर । नेपाली कांग्रेस विराटनगर महानगर समितिले कोरोना परीक्षणको दर बढाउन प्रदेश सरकार समक्ष माग गरेको छ ।
विराटनगर क्षेत्रमा समुदायस्तरमा कोरोना फैलिसकेको तथ्य बाहिर आउँदा समेत परीक्षणको दरलाई तिव्रता नदिएको भन्दै महानगरका का.वा.सभापति अरुण न्यौपानेले प्रदेश सरकारको ध्यानाकर्षण गराएका हुन ।
प्रदेश सरकारले संघीय सरकारको मुख ताक्नुको साटो आफैं पीसीआर मेसिन गरिद गरेर परीक्षणको दायरा बढाउन माग गरेका छन् । उनले सर्वधारणलाई समेत सचेतना अपनाउदै स्थानी तथा प्रदेश सरकारले संक्रमण नियन्त्रणको लागि गरेका प्रयासमा साथ दिन अपिल गरेका छन् ।
न्यौपानेले भने,“लकडाउन र कोरोना संक्रमणकै बेला प्रदेशका मन्त्रालयले करोडौं मूल्य पर्ने गाडी खरिद गरेका छन् । बरु त्यो रकमले किन पीसीआर मेसिन र भिटिएम खरिद नगर्ने ?” कोरोना नियन्त्रण तथा रोकथामको लागि एकीकृत प्रयास जरुरी भएको भन्दै स्थानीय र प्रदेश सरकारबीच देखिएको समन्वय अभावलाई समेत हटाउन सुझाव दिए ।
कांग्रेस महानगर समितिको तर्फबाट यसअघि न्यौपानेले सामाजिक विकास मन्त्रालयले कोरोना रोकथाम र नियन्त्रणको लागि गरेको कामबारे जानकारी दिन आयोजित कार्यक्रममा पहिचान गरिएका प्रदेशका जोखिम क्षेत्रमा परीक्षण, रोकथाम र उपचारमा ध्यान केन्द्रीत गर्नुपर्ने सुझाव दिएका थिए ।
