_1693980289.gif "#")
धरान । बालबालिकामा लाग्ने रोगको निराकरणका लागि पाठ्यसामग्री मार्फत जनचेतना फैलाउन बालरोग विशेषज्ञ डा. अरुण कुमार सिंह द्वारा लिखित “बालबालिकाको डाक्टर साथी” पुस्तक बिमोचन गरिएको छ । पत्रकार देबेन्द्र कार्कीले सम्पादन गरेको पुस्तकको कार्यक्रमका प्रमुख अतिथी बिपि कोइराला स्वास्थ्य बिज्ञान प्रतिष्ठानका उपकुलपती प्रा.डा.ज्ञानेन्द्र गिरि, भाषाबिद प्रा.डा. टङ्क न्यौपाने, प्रतिष्ठानका निर्देशक प्रा.डा. गौरीशंकर साह लगाएतले औपचारिक रुपमा बिमोचन गरेका थिए । पुस्तकमा बालबालिकामा लाग्ने रोगहरु बारे पुर्ण जानकारी दिएको छ । ग्रामीण क्षेत्रका स्वास्थ स्वयंसेबिकाहरुले पनि पढ्न र अरुलाइ बुझाउन सकुन भन्ने उदेश्यले सरल भाषामा प्रस्तुत गरिएको लेखक सिंहले बताए ।
उनले भने,`जसले औषधि र डाक्टरको अनुहार देख्न नपाएर मृत्युवरण गर्न बाध्य छन्, तिनै दुर्गमवासिहरु प्रती समर्पित रहेको छ ।´ चिकित्सक सेवा नपुगे दुर्गम क्षेत्रका बालबलिकाहरु लाई रोग बारे जानकारी दिने, कुन बेला अस्पताल लाने, बालबालिकाहरुलाइ स्वास्थ्य सचेतना बारे विभिन्न रोगहरुको बिषयलाइ समेटिएको उनले बताए ।
पुस्तकमा नवजात शिशुको हेरबिचार देखि राष्ट्रिय खोप तालिका, बच्चाहरुको उचित ख्याल, विभिन्न रोगहरु को बिषयमा घरमै बसेर पनि गर्न सकिने उपचार विधि बारे जानकारी दिइएको छ । आमचोक सरोकार समाज सुनसरीले प्रकाशन गरेको पुस्तक बिक्री बाट आएको रकमले बिपिमा उपचारका लागि आउने दुर्गम क्षेत्रका गरिब परिवारका बालबालिकाहरुको उपचारमा खर्छ गरिने भएको छ । प्रकाशनको तर्फबाट ५० हजारको कोष बनाएर बिक्री पुस्तकबाट आएको रकम पनि कोषमा नै जम्मा गरि बिपन्न बालबालिकाको उपचारमा खर्छ गरिने पुस्तकका सम्पादक तथा आमचोक सरोकार समाज सुनसरिका सचिब समेत रहेका देबेन्द्र कार्की ले बताए । पुस्तक ग्रामीण क्षेत्र सम्म पुर्याउनु सबैको कर्तव्य रहेको कार्यक्रमका सहभागी हरुले जोड दिए । प्रतिष्ठानबाट प्रसुती सेवा लिएर जाने हरेक आमाहरुलाइ पुस्तक कोशेली को रुप बितरण गर्नु पर्ने उनिहरु को सुझाब छ ।
