भारतीय भन्सार एजेन्टले जोगबनी नाका बन्द गर्ने निर्णय फिर्ता लिए

विराटनगर । भारतीय भन्सार एजेन्टहरुले गरेको जोगबनी नाका बन्दको घोषणा फिर्ता लिएका छन् ।
बिहारको जोगबनीस्थित भारतीय भन्सार कार्यालयसंग सम्बन्धित क्लियरिङ एजेन्ट, सिएचए एवम् ट्रान्सपोर्टरहरुले पर्सी बुधबारदेखि जुलाई ३१ सम्म सबै कामकाज ठप्प पार्ने घोषणा गरेका थिए । तर, प्रमुख नाका बन्द हुँदा यसले ठूलो असर पुग्ने भन्दै नेपाल तथा भारततिरबाट समेत दबाब परेपछि उनीहरु यो निर्णयबाट पछि हटेका हुन ।

भारतको बिहार राज्यमा कोरोना संक्रमणको दर तीव्र रुपमा फैलन शुरु भएको र सीमामा कामकाज गर्न जोखिम भएको भन्दै उनीहरुले भन्सारसंग सम्बन्धित काम गर्न सक्ने जनाउ दिएका छन् ।

एजेन्ट, तथा ट्रान्सपोर्टरहरुको संयुक्त बैठकले कारोना महामारीबीच काम गर्न स्वस्थ्यका हिसाबले समेत जोखिमपूर्ण भएको निर्णय गरेकोमा सावधानी अपनाएर काम गर्ने निर्णय भएको छ । उनीहरुले कामलाई सूचारु गर्ने र अवरोध गर्ने निर्णय गरेको भन्सार एजेन्ट संघ विराटनगर रानी भन्सार कार्यालयका प्रमुख विजेन्द्र परासरले जानकारी दिएका छन् ।
भारतबाट नेपाल आई सामान खन्याएर भारत फर्कनु पर्ने गाडीहरु भने निर्वाध जाने तर बाँकी भन्सारसंग सम्बन्धित क्लियरिङलगायत काम पनि कुनै एजेन्टले गर्ने काम बन्द गर्ने घोषणा गरिएको थियो ।

कोभिड १९ को प्रभाव र लकडाउनका कारण विराटनगर भन्सारको राजश्व असूलीसमेत प्रभावित बनेको छ । भन्सारले लक्ष्यअनुसार भन्सार राजश्वसमेत उठाउन सकेको छैन । लक्ष्यअनुसार असूली गर्न नसकी ५७ दशमबल १३ प्रतिशतमा सीमित बन्न पुगेको हो ।