_1693980289.gif "#")
धरान । धान उत्पादनको उर्भरभुमि मानिने प्रदेश १ मा असार १४ सम्ममा २१ प्रतिशत मात्रै धान रोपाईँ भएको छ ।
प्रदेश १ मा धानखेती हुँदै आएको ३ लाख ४० हजार ८ सय २९ हेक्टर क्षेत्रफल मध्ये ७३ हजार २ सय २३ दशमलव २५ हेक्टरमा मात्र धान रोपाईँ भएको छ । भुमि व्यवस्था, कृषि तथा सहकारी मन्त्रालय प्रदेश नम्बर १ ले असार १४ गते सार्वजनिक गरेको तथ्याङ्क अनुसार अघिल्लो वर्षको तुलनामा ४ दशमलव ४४ प्रतिशतले वृद्धि भएको छ ।
गत वर्ष १७ दशमलव ०४ प्रतिशत रोपाई भएको थियो । सोलुखुम्बुमा सबैभन्दा बढी ६० प्रतिशत धान रोपाईं सकिएको छ । ताप्लेजङमा ८ हजार ७ सय ३७ हेक्टर क्षेत्रफलमा धान खेती हुँदै आएकोमा १४ प्रतिशत धान रोपाईं भएको छ ।
संखुवासाभामा १३ हजार सय ५१ हेक्टर क्षेत्रफलमा धान खेती हुँदै आएकोमा १० प्रतिशत धान रोपाईं भएको छ । त्यसैगरी मध्य पडाही जिल्ला ओखलढुङ्गामा ४ हजार ४ सय ३ हेक्टर क्षेत्रफलमध्ये १७ प्रतिशत धान रोपाईं भएको छ । धनकुटामा ७ हजार ९ सय ५० हेक्टर क्षेत्रफलमा धान रोपाईँ हुनेमध्ये ४० प्रतिशत, तेह्रथुममा १० हजार १ सय ७५ हेक्टर क्षेत्रफल मध्ये ५० प्रतिशत, उदयपुरमा १३ हजार ३ सय ८० हेक्टर मध्ये २० प्रतिशत रोपाई भएको छ ।
त्यस्तै खोटाङमा १२ हजार ८ सय मध्ये ३० प्रतिशत रोपाई सम्पन्न भएको छ । भोजपुरमा १ हजार ८ सय २ हेक्टर क्षेत्रफलमा धान खेती हुँदै आएकोमा हालसम्म ४० प्रतिशतमा रोपाईँ भएको छ । पाँचथरमा ९ हजार २ सय हेक्टर क्षेत्रफल मध्ये १७ प्रतिशत, इलाममा १४ हजार ८ सय १५ हेक्टर क्षेत्रफल मध्ये १५प्रतिशत धान रोपाईं भएका छ ।
झापामा ८७ हजार ५ सय हेक्टर क्षेत्रफलमा धान खेती हुनेमध्ये ५ प्रतिशत रोपाईँ भएको छ । मोरङमा भने ३० प्रतिशत धान रोपाईं भएको छ । मोरङमा ८३ हजार ३ सय हेक्टर धानखेती हुने क्षेत्रफलमध्ये २४ हजार ९ सय ९० हेक्टर क्षेत्रफलमा रोपाईं भएको छ । सुनसरीमा ५५ हजार हेक्टर क्षेत्रफल मध्ये २५ प्रतिशत मात्र धान रोपाईं भएको छ । सुनसरीको इटहरीमा रहेको क्षेत्रीय कृर्षी अनुसन्धान केन्द्र तरहराले विभिन्न जातका धानको अनुसन्धान गरीरहेको छ ।
सिचाँइको सुविधा नपुगेको क्षेत्रमा कृषकले आकाशे पानी र बोरिंग पानीको भरमा खेती गरिरहेका छन् । प्रदेश १ अन्न उत्पादनमा सबैभन्दा अब्बल प्रदेशका रुपमा रहदै आएकोे छ । नेपालको प्रमुख खाद्यान्नबाली रुपमा लिइने धान प्रदेश १ अन्तर्गत पर्ने झापा, मोरङ र सुनसरी अन्न उत्पादनका भण्डार मानिन्छन् । जसमा सबैभन्दा धान उत्पादन बढी रहेका छ । यी जिल्लामा मात्रवार्षिक सरदर १२ लाख बढी मेट्रिक टन धान उत्पादन हुने गरेको छ ।
