धरान/ धरान स्थित एन्फा एकेडेमी क्वारेन्टाइनमा कोरोना संक्रमित युवासँगै एउटै कोठामा बसेका ३ जनाको पुनः पिसिआर परीक्षण गरिने भएको छ ।
यसअघि उनीहरुको रिपोर्ट नेगेटिभ आएपनि संक्रमित युवासगँ क्लोज कन्ट्याक रहेका कारण उनिहरुको पुन पिसिआर परीक्षण गरिने भएको हो ।
यस्तै, एन्फा क्वारेन्टाईनमै रहेका अन्य ४१ जनाको पिसिआर रिपोर्ट नेगेटिभ आएकाले उनिहरुलाई डिस्चार्ज गरिने धरान उपमहानगरपालिकाका स्वास्थ्य महाशाखा प्रमुख उमेश मेहताले जानकारी दिए ।
महेताका अनुसार आज जम्मा १५ जनाको स्वाब संकलन गरिने भएको छ ।
क्वारेन्टाइनमा बसेका सबै भारतबाट आएका थिए । क्वारेन्टाइनमा रहेका ४५ जनाको बिहिबार स्वाब संकलन गरिएको थियो । तीमध्ये ४४ जनाको नेगेटिभ रिपोर्ट आएको थियो भने एक जनाको पोजेटिभ आएको थियो ।
संक्रमित युवालाई हिजो रातिनै वीपी कोइराला स्वास्थ्य विज्ञान प्रतिष्ठान धरानको आइसोलेसनमा लगिएको छ ।
एन्फा क्वारेन्टाइनमा हिजो मात्रै थप ७ जना आएका छन् भने आज ५ जना आउने बताइएको छ ।
उनीहरु सबैको आजै स्वाब संकलन गरिने वडा नम्बर १७ का अध्यक्ष मनोज भट्टराईले बताए । उनले भने, ‘३ जनाको फेरि स्वाब कलेक्सन हुन्छ, थपिएका १२ जनाको पनि कलेक्सन गछौं’
