झापा बन्यो कोरोना हटस्पट, गौरदाहमा पहिलो पटक दुई जना संक्रमित फेला परे

विराटनगर । झापा जिल्ला कोरोना संक्रमणको दृष्टिले प्रदेश १ मै केन्द्र बन्न पुगेको छ । जिल्लामा ५४ जनामा संक्रमण पुष्टि भएको छ । झापाको कचनकवल गाउँपालिकामा मात्रै संक्रमितको संख्या ४८ जना पुगेको छ ।

भारतसंग सीमा जोडिएको कचनकवल गाउँपालिकामा सबैभन्दा धेरै संक्रमित फेला परेका हुन । बुधबार दिउँसो आएको परीक्षण नजिताअनुसार झापामा थप १७ जनामा कोरोना संक्रमण देखिएको छ । १५ जना कचनकवल गाउँपाकिलाकाका छन् ।
नयाँसहित कचनकवलमा सक्रमितको संख्या ४८ पुगेको छ ।

प्रदेश १ मा संक्रमितको संख्या १ सय ४ पुगेको छ । उदयपुरको भुल्केमा पहिलो पटक कोरोना सक्रमित भेटिएका थिए । सामाजिक विकास मन्त्रालयका अनुसार दुई जना भने गौरादह नगरपालिकामा भेटिएका छन् ।

गौरदाहमा पहिलो पटक दुई जना संक्रमित फेला परेका हुन । यसअघि छिमेकी नगरपालिका दमकमा एक जनामा संक्रमण पुष्टि भएको थियो । कोशी अस्पताल विराटनगरको प्रयोगशालामा परीक्षण गर्दा कोरोना संक्रमण पुष्टि भएको अस्पतालले जनाएको छ । कोशी अस्पतालकी मेसु संगीता मिश्रले बुधबार दिउँसो परीक्षण नतिजा आएको बताइन ।

प्रदेश १ मा संक्रमितको संख्या १ सय ४ पुगेको छ । झापा कोरोना संक्रमित संख्याको दृष्टिले नयाँ केन्द्र बन्न पुगेको हो । उदयपुरको भुल्केमा भारतबाट आएका जमातीसहित उनीहरुको सम्पर्कमा आएका ३३ जना कोरोना देखिएको थियो । कोशी अस्पतालमा उपचारपछि २६ जना डिस्चार्ज भईसकेका छन् । बाँकी उपचारमा छन् ।