२० संक्रमित थपिए, संक्रमित संख्या ५०७ पुग्यो

नेपालमा शुक्रबार दिउँसो फेरि २० जना कोरोना भाइरस संक्रमित थपिएका छन् ।

बाँके र सुदुरपश्चिमका विभिन्न जिल्लामा गरी शुक्रबार थप २० जनामा काेराेना भाइरस देखिएकाे स्वास्थ्य तथा जनसंख्या मन्त्रालयले जनाएकाे छ ।

बैतडीको शिवनाथ १ का २२ वर्षिय पुरुष, डडेल्धुराको परशुराम नगरपालिकाका २८ वर्षीय पुरुष र कैलालीका १९, २३ र २६ वर्षीय पुरुषमा संक्रमण पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले बताउनुभयो ।

उनीहरुको सेती प्रादेशिक अस्पतालमा नमुना परीक्षण गरिएको थियो ।यसैगरी बाँकेमा १३ जनामा संक्रमण देखिएको छ ।

भेरी अस्पतालमा भएको परीक्षणमा १८ देखि ६१ उमेर समूहका पुरुषहरुमा कोरोना पोजेटिभ देखिएको हो । उनीहरू नरैनापुरका छन् ।

एक जना राप्ती सोनारीका छन् । यस्तै मोरङको रतुमाइका ४१ वर्षीय पुरुषमा पनि पोजेटिभ देखिएको छ ।

योसँगै मुलुकमा कोरोना संक्रमितको संख्या ५ सय ७ पुगेको छ ।