_1693980289.gif "#")
प्रदेश १ मा द्रूत परीक्षण विधि (आरडिटी) र ल्याबमा गरिने परीक्षणबाट शुक्रबारसम्म जम्मा ८ हजार ९ सय ९७ जनामा नमूना परीक्षण भएको छ । कोरोना भए नभएको पत्ता लगाउन दुबै विधिबाट नमूना परीक्षण भएको हो ।
मुख्यमन्त्री तथा मन्त्रिपरिषद् कार्यालय मातहतको कोरोचा सूचना डेस्कका अनुसार यसरी परीक्षण गरिएकामध्ये आरडीटीतर्फ ७ हजार २ सय २ जनाको नमूना परीक्षण भएको छ । जसमा ७ हजार १ सय ८४ जनाको रिपोर्ट नेगेटिभ आएको छ । पिसिआरबाट १ हजार ७ सय ९५ जनाको नमूना परीक्षणको लागि ल्याबमा पठाइएको छ । तीमध्ये एक हजार ७ सय १८ जनाको रिपोर्ट नेगेटिभ आएको छ ।
यता, प्रदेश सरकारले निर्माण गरेका क्वारेन्टाइन स्थलमा बस्नेको संख्या शुक्रबारसम्म कूल १ हजार २ सय १२ छ । आइसोलेसनमा स्वास्थ्यकर्मीको निगरानीमा ३ जना छन् । होम क्वारेन्टाइनमा जम्मा ७ हजार ८ सय ३५ जना बसिरहेको मुख्यमन्त्री तथा मन्त्रिपरिषद् कार्यालयले जनाएको छ ।
प्रदेश सरकारले विराटनगरमा निर्माण गरेको कोशी कोभिड १९ उपचार केन्द्रबाट शुक्रबारसम्म एक महिलासहित १४ जना डिस्चार्ज भएका छन् । त्यहाँ ३१ जना संक्रमित उपचाररत थिए ।
