_1693980289.gif "#")
झापा/ भारतबाट नेपालतर्फ लागूऔषध भित्र्याउने प्रयास गरेका एक युवक झापाको काँकरभिट्टामा पक्राउ परेका छन्।
गोप्य सूचनाका आधारमा इलाका प्रहरी कार्यालय काँकरभिट्टा र लागूऔषध नियन्त्रण ब्युरो कार्यालय काँकरभिट्टाको संयुक्त टोलीले बुधबार बिहान करिब ११ः४५ बजे मेचीनगर–६ स्थित पुरानो मेची पुल क्षेत्रमा शंकास्पद अवस्थामा आएका एक युवकलाई नियन्त्रणमा लिएको हो।
पक्राउ पर्नेमा मेचीनगर–१४ निवासी २५ वर्षीय आकाश चौधरी रहेका छन्। भारतबाट नेपाल प्रवेश गर्दै गरेका चौधरीमाथि शंका लागेपछि प्रहरीले सोधपुछ तथा खानतलासी गरेको थियो।
जाँचका क्रममा उनले मलद्वारभित्र लुकाएर ल्याउँदै गरेको अवस्थामा प्लास्टिकबाहेक १६ ग्राम ४०० मिलिग्राम खैरो हिरोइन लागूऔषध बरामद भएको प्रहरीले जनाएको छ।
लागूऔषधसहित पक्राउ परेका चौधरीलाई नियन्त्रणमा लिएर इलाका प्रहरी कार्यालय काँकरभिट्टामा राखिएको छ। घटनाबारे थप अनुसन्धान भइरहेको प्रहरीले जनाएको छ।
