_1693980289.gif "#")
धनकुटा/ धरानबाट फिदिमतर्फ जाँदै गरेको मिनीबस धनकुटाको नावाखोला क्षेत्रमा सोमबार बिहान दुर्घटना हुँदा तीन जना घाइते भएका छन्।
घाइतेमध्ये एक महिला यात्रुको अवस्था चिन्ताजनक रहेको प्रहरीले जनाएको छ।
पाँचथर–तमोर करिडोर अन्तर्गत पर्ने धनकुटा–पाँचथर सडक खण्डमा बिहान करिब साढे ९ बजे प्रदेश १–०१–००१ ज ३९४९ नम्बरको मिनीबस दुर्घटनामा परेको हो।
दुर्घटनामा फाल्गुनन्द गाउँपालिका–१का २८ वर्षीय चालक तेजबहादुर चेम्जोङ गम्भीर घाइते भएका छन् भने अन्य दुई घाइतेको पहिचान खुल्न बाँकी रहेको प्रहरीले जनाएको छ।
जिल्ला प्रहरी कार्यालय धनकुटाका प्रहरी उपरीक्षक शरतकुमार क्षेत्रीका अनुसार घटनास्थलमा तत्काल उद्धार टोली परिचालन गरिएको छ। गम्भीर घाइतेमध्ये एक महिला यात्रु बसभित्रै च्यापिएको अवस्थामा फेला परेकी छन् र उनको उद्धार कार्य जारी रहेको छ।
प्रहरीका अनुसार दुर्घटनाको कारण खुल्न बाँकी छ भने घटनाबारे थप अनुसन्धान भइरहेको छ।
