_1693980289.gif "#")
वराहक्षेत्र/ वराहक्षेत्र नगरपालिकाले वार्षिक परीक्षा दिएर बसेका विद्यार्थीहरूलाई उद्घोषण कला र नृत्य कलाको प्रशिक्षण कार्यक्रम आयोजना गरेको छ ।
वार्षिक परीक्षा दिएर बसेका आधारभूत तह कक्षा ६, ७ र ८ का विद्यार्थीहरूको क्षमता विकास कार्यक्रम अन्तर्गत उक्त उद्घोषण कला र नृत्यकलाको प्रशिक्षण कार्यक्रम आयोजना गरिएको नगरपालिकाका शिक्षा, युवा तथा खेलकुद विकास शाखाका प्रमुख उत्तमराज भारतीले जानकारी दिए ।
कक्षा ६, ७ र ८ को वार्षिक परीक्षा दिएर बसेका सामुदायिक र संस्थागत विद्यालयका विद्यार्थीहरूको उक्त प्रशिक्षण कार्यक्रममा सहभागितामा रहेको छ ।
चक्रघट्टि स्रोत केन्द्रको सभाहलमा आयोजना भएको उद्घोषण कला प्रशिक्षणमा विद्यार्थीहरूलाई प्रशिक्षक राम प्रसाद खरेलले सहजीकरण गर्ने छन् । मङलवारबाट सुरु उक्त प्रशिक्षण ५ दिवसीय रहने छ ।
त्यस्तै चक्रघट्टि स्थित जनहित क्लबको भवनमा आयोजना भएको नृत्यकला प्रशिक्षणमा कक्षा ६, ७ र ८ को वार्षिक परीक्षा दिएर बसेका विद्यार्थीहरूको सहभागिता रहेको छ ।
सहभागी विद्यार्थीहरूलाई नृत्य प्रशिक्षक देवराज खड्काले सहजीकरण गर्ने छन् । उक्त प्रशिक्षण ५ दिवसीय रहने छ ।
