वराहक्षेत्र/ सुनसरीको वराहक्षेत्र नगरपालिका स्थित चक्रघट्टीमा रहेको सप्तकोशी बहुमुखी क्याम्पसले व्यवस्थापन र शिक्षा शास्त्र संकायको चौथो बर्षको परिक्षामा उत्कृष्ट नतिजा प्राप्त गरेको छ ।
उक्त नतिजाले सामुदायिक क्याम्पस मध्य सप्तकोशी बहुमुखी क्याम्पस शैक्षिक गुणस्तरमा प्रदेशमै अब्बल क्याम्पसको रुपमा स्थापित हुने सफल भएको छ ।
त्रिभुवन विश्व बिद्यालय परिक्षा नियन्त्रण कार्यालय बाट संचालित स्नातक तह चौथो बर्सको परीक्षामा स्नातक तह शिक्षाशास्त्र संकाय चौथो बर्षमा ६६ जना सहभागी मध्ये ४७ जना विद्यबिद्यार्थी प्रतिशत बिद्यार्थी उत्रीण भएकाछन ।
व्यवथापन संकाय तर्फ ६६ जना मध्ये २८ जना ४२.४२ प्रतिशत बिद्यार्थी उत्रीण भएका छन । उक्त नतिजाको आधारमा सप्तकोशी बहुमुखी क्याम्पस कोशी प्रदेशकै उत्कृष्ट बन्न सफल भएको क्याम्पस प्रमुख सुशील कोईरलाले जानकारी दिए ।
प्रमुख कोईरलाका अनुसार व्यवस्थापन संकाय बाट नारायण राउत ८६.६ प्रतिशत अंक प्राप्त गरि कोशी प्रदेश प्रथम हुन सफल समेत भएका छन् ।
सुबिधा र भौतिक रुपले अब्बल रहेका सहरी क्षेत्रका क्याम्पसलाई उछिन्दै कोशी प्रदेश प्रथम हुन सफल सप्तकोशी बहुमुखी क्याम्पस त्रिभुवन विश्व बिद्यालय बाट सम्बन्धन प्राप्त गरि २०६७ सालमा स्थापना भएको थियो ।
