_1693980289.gif "#")
झापा/ “१७ वर्षदेखि छोरालाई काँधमा बोक्दै आइरहेको छु। आज नगरपालिका मार्फत सीपी ह्वीलचेयर पाएपछि पहिलो पटक सास फेरेजस्तो लाग्यो,” भावुक हुँदै भने मेचीनगर–१ निवासी भूमिका गुरागाई।
उनको १७ वर्षीय छोरा राहुल गुरागाई जन्मजातै अपांग छन्। न हातखुट्टा चल्छ, न बोल्न सक्छन्, न हिँड्न। सधैं ओछ्यानमै हुन्छन् — ओछ्यानमै दिशापिसाब गर्छन्। कतै लैजानु परे काँधमा बोक्नु पर्ने बाध्यता थियो। तर अब उनलाई सँगै लैजान सकिने भएपछि भूमिकाको परिवारमा खुसी छाएको छ।
झापाको मेचीनगर नगरपालिकाले सोमबार करुणा फाउण्डेशन नेपाल र कोशी प्रदेश सरकारको सामाजिक विकास मन्त्रालयको सहकार्यमा २०५ जना अपांगता भएका व्यक्तिहरूलाई विभिन्न सहायक सामग्री वितरण गरेको छ।
करुणा फाउण्डेशनका मेचीनगर संयोजक पदम बराइलीका अनुसार २० लाख ४२ हजार रुपैयाँ बराबरका सामग्रीहरू वितरण गरिएको हो। सामग्रीहरूमा समावेश थिए:
नगरपालिकाको सभाहलमा आयोजित कार्यक्रममा नगरप्रमुख गोपालचन्द्र बुढाथोकी र उपप्रमुख मीना पोखरेल उप्रेतीले राहुल गुरागाईलाई सीपी ह्वीलचेयर हस्तान्तरण गर्दै कार्यक्रमको औपचारिक उद्घाटन गरे।
नगरप्रमुख बुढाथोकीले अपांगता भएका व्यक्तिहरूका लागि सहायक सामग्रीले जीवन सहज र आत्मनिर्भर बनाउन सहयोग पुर्याउने बताए।
कार्यक्रममा प्रमुख प्रशासकीय अधिकृत अग्निप्रसाद अधिकारी, शिक्षा शाखा प्रमुख होमनाथ भण्डारी, योजना तथा अनुगमन शाखा प्रमुख अनन्तप्रकाश वस्ती, समाज कल्याण शाखा प्रमुख जयन्ती खरेल लगायतको उपस्थिति थियो।
कार्यक्रमको सहजीकरण खरेलले गरेकी थिइन् भने अध्यक्षता उपप्रमुख पोखरेल उप्रेतिले गरेकी थिइन्।
