_1693980289.gif "#")
धरान/ नेपाली सङ्गीत क्षेत्रमा आफ्नै छुट्टै पहिचान बनाएका गायक बिजय वाम्बुले राईले नयाँ गीत ‘प्याराे मान्छे तिमी’ सार्वजनिक गरेका छन्।
गायिका मिलन नेवारको सुमधुर स्वर रहेको यस गीतमा शब्द, सङ्गीत तथा निर्देशन स्वयम् गायक वाम्बुलेले नै गरेका हुन्।
यसअघि ‘किराती हामी’, ‘मनमाया’ लगायतका गीतमार्फत लोकप्रिय बनेका वाम्बुलेले प्रेम भावनाले भरिएको यस नयाँ सिर्जनामार्फत दर्शक–श्रोताको मन जित्ने विश्वास व्यक्त गरेका छन्। गीतको भिडियोमा मोडल तृष्णा राई र डेबिट मोक्तानले अभिनय गरेका छन्।
सङ्गीत व्यवस्थापन पावल चाम्लिङ राईले गरेका छन् भने मिश्रण तथा सम्पादन मेवाहाङ राईको रहेको छ। ‘द स्काइ’ स्टुडियोमा निर्माण भएको भिडियोलाई युट्युबमा सार्वजनिक गरिएको केही घण्टामै सकारात्मक प्रतिक्रिया मिल्न थालेको गायक वाम्बुलेले जानकारी दिए।
गीत गायकको आफ्नै युट्युब च्यानल ‘बिजय वाम्बुले राई’ मार्फत सार्वजनिक गरिएको हो।
