_1693980289.gif "#")
झापा/ झापाको बिर्तामोडबाट हालसम्मकै ठूलो परिमाणमा औषधिजन्य लागू औषध बरामद भएको छ।
प्रतिबन्धित औषधिहरूको ठूलो भण्डारण भानुभक्त खरेल नामक औषधि व्यवसायीको भएको पुष्टि भए पनि उनी हालसम्म फरार रहेका छन्।
इलाका प्रहरी कार्यालय अनारमनीले बिर्तामोड–५, मंगलदीप टोलस्थित मनकुमार संग्रौलाको दुईतले घरको भुईँतलाका दुई कोठामा लुकाइराखिएको अवस्थामा प्रतिबन्धित औषधिहरू बरामद गरेको हो।
ती औषधिहरू भानुभक्त खरेलले भण्डारण गरेका थिए भने सोही गोदाममा कार्यरत कर्मचारीलाई पक्राउ गरिएको प्रहरीले जनाएको छ।
बरामद लागू औषधको विवरण यस्तो छ:
प्रहरीले पक्राउ गरेको व्यक्तिको नाम अर्जुनधारा–६ दासपुलका २५ वर्षीय विनोद घिमिरे रहेको छ।
उनी ‘सनलाइट फर्मा’ मा कार्यरत कर्मचारी हुन्। घिमिरेसँगै उनले प्रयोग गर्दै आएको मोटरसाइकल ९नं. १–०१–०१३ प ८९०४० पनि प्रहरीले बरामद गरेको छ।
खरेलले लामो समयदेखि संग्रौलाको घर भाडामा लिएर लागू औषधजन्य औषधिको गोदाम सञ्चालन गर्दै आएका थिए। घटनाबारे इलाका प्रहरी कार्यालय अनारमनीका डीएसपी विजय श्रेष्ठले पत्रकार सम्मेलनमार्फत जानकारी दिएका हुन्।
जिल्ला प्रहरी कार्यालय झापाका प्रहरी उपरीक्षक राजन लिम्बूले लागू औषध तस्करीमा संलग्न कर्मचारी समेत पक्राउ गरिएको र मुख्य व्यक्ति फरार रहेकाले खोजी कार्य तीव्र पारिएको बताएका छन्।
प्रहरीका अनुसार यस मामिलालाई सुनियोजित औषधि तस्करीको एउटा नेटवर्कको रूपमा हेरेर अनुसन्धान अगाडि बढाइएको छ।
