धरानमा गर्मीका कारण विद्यालय दुई दिन बन्द हुने

धरान/ कोशी प्रदेशका तराईका जिल्लाहरुमा पछिल्ला दिन अत्यधिक गर्मी बढेपछि जनजीवन प्रभावित बनेको छ । 

गर्मीका कारण स्वास्थ्यमा पर्न सक्ने नकारात्मक असरलाई मध्यनजर गर्दै धरान उपमहानगरपालिकाभित्रका सामुदायिक तथा संस्थागत विद्यालयहरू दुई दिनका लागि बन्द गरिने भएको छ।

धरान उपमहानगरपालिका–१२ स्थित नगर कार्यपालिकाको कार्यालयबाट जारी सूचनाअनुसार अत्यधिक गर्मीका कारण बालबालिकाको स्वास्थ्यमा असर पर्न सक्ने भन्दै २०८२/०२/२९ र ३० गते (बिहिबार र शुक्रबार) विद्यालय विदा दिइएको हो।

शिक्षा अधिकृत ध्रुवराज खड्काको हस्ताक्षरयुक्त सूचनामा भनिएको छ, “स्थानीय परिस्थिति, विद्यार्थीहरूको भौतिक अवस्था तथा आवश्यकताका आधारमा केही विद्यालयहरूमा थप विदा दिनु परेमा सोहीअनुसार विद्यालय व्यवस्थापन समितिको निर्णयअनुसार व्यवस्था मिलाउन सकिनेछ।”

यस्तै अत्यावश्यक र अपरिहार्य अवस्थामा विद्यालयहरूले भर्चुअल कक्षा वा वैकल्पिक पठनपाठनको व्यवस्था मिलाउन सकिने पनि जनाइएको छ।

 बिज्ञप्ती: