_1693980289.gif "#")
झापा/ युवाहरूमाझ शारीरिक सुगठनप्रति रुचि जगाउने र नयाँ प्रतिभाहरूको पहिचान गर्ने उद्देश्यले ‘तेस्रो मिस्टर कञ्चनजंघा खुला राष्ट्रिय शारीरिक सुगठन प्रतियोगिता २०८२’ आगामी भदौ २७ र २८ गते झापाको बिर्तामोडमा आयोजना हुने भएको छ।
बडी ग्यारेज फिटनेस हाउसको आयोजनामा हुने प्रतियोगिताको घोषणा मंगलबार पत्रकार सम्मेलनमार्फत गरिएको हो। दुई दिनसम्म सञ्चालन हुने प्रतियोगिताको पहिलो दिन प्रिजजिङ (पूर्व मूल्यांकन) र दोस्रो दिन फाइनल प्रतिस्पर्धा हुनेछ।
‘A Place Where Great Shape Is an Authentic Passion’ भन्ने मूल नारासहित अघि बढिरहेको बडी ग्यारेजले अन्तर्राष्ट्रिय स्तरका उपकरण र अनुभवी प्रशिक्षकमार्फत सेवा दिँदै आएको आयोजकले जनाएको छ।
प्रतियोगितामा ५५ केजीदेखि ७५ केजीभन्दा माथिसम्मका तौल समूहमा प्रतिस्पर्धा हुनेछ। आयोजकले नेपालभरबाट करिब २ सय जना खेलाडीको सहभागिता रहने अपेक्षा गरेका छन्।
झन्डै ३५ लाख रुपैयाँको अनुमानित लागतमा सञ्चालन हुने प्रतियोगितामा विजेतालाई आकर्षक नगद पुरस्कारको व्यवस्था गरिएको छ।
बडी ग्यारेज फिटनेस हाउसका अध्यक्ष आदित्य पराजुली तथा संयोजकहरू राम दाहाल र दिपेन चौधरीले कार्यक्रमलाई प्रदेशस्तरकै गौरवको रूपमा विकास गर्ने लक्ष्यसहित सबै सरोकारवाला पक्षलाई साथ र समर्थन गर्न अपिल गरेका छन्।
_Poush 22_1736170149.jpg "#")