_1693980289.gif "#")
धरान । धरानबाट प्रकाशित दिव्य रोशनी साप्ताहिक २१ औं वर्षमा प्रवेश गरेको छ । आज बुधबार स्थापना दिवसको अवसरमा धरानका ३ पत्रकार सम्मानित भए भने एक १ जना महिला उद्यमीलाई अभिनन्दन गरिएको छ ।
कार्यक्रमका प्रमुख अतिथी धरान उपमहानगरपालिकाका मेयर हर्कराज राईले उत्कृष्ट सामाजिक सम्मानबाट ब्लाष्ट टाईम्सका भोजराज श्रेष्ठ र उमा चाम्लिङ अनलाईन टिभीका पत्रकार उमा चाम्लिङ र युवा पत्रकारिता पुरस्कारबाट नेपाल पत्रकार महासंघ सुनसरीका अध्यक्ष तथा हिमालयन टिभीका प्रतिनिधि सन्तोष काफ्ले सम्मानित भए । सम्मानितहरुलाई जनही नगद ५ हजार १ सय ५ रुपैया सहित सम्मानपत्रले सम्मान गरिएको थियो ।
यसैगरी महिला उद्यमी तर्फ गृह श्रमिक महिला उद्यमी समाज नेपालका अध्यक्ष प्रेम कुमारी राईलाई दोसल्ला ओढाई अभिनन्दन पत्रले गरिएको दिव्यरोशनी साप्ताहिकका प्रकाशक तथा प्रधान सम्पादक मनिता चाम्लिङ्घ राईले बताइन् ।
कार्यक्रममा विगत ३ दशक अघिदेखि स्थानीय तथा राष्ट्रिय समाचारपत्र बिक्री वितरण गर्दै आएका ७३ वर्षिय वृद्ध कृष्ण भक्त श्रेष्ठलाई खाद्यन्न ९ चामल, दाल, नुन, तेल, न्युटेला प्रदान गरिएको छ ।कार्यक्रमको उद्घाटन मेयर राईले केक काटी उद्घाटन गरिएको सो कार्यक्रम दिब्य रोशनी पत्रिकाका प्रकाशक तथा प्रधान सम्पादक मनिता चाम्लिङको सभापतित्वमा सम्पन्न भएको हो भने कार्यक्रम सन्चालन पत्रकार भरतराज शर्माले गरेका थिए ।
कार्यक्रममा प्रमुख अतिथी, विशेष अतिथी , अतिथी लगायत उपस्थित सम्पुर्ण पत्रकारलाई दिव्य रोशनी साप्ताहिकका प्रबन्ध निर्देशक सागर सिंजालीले आभार व्यक्त गर्दै धन्यवाद दिए ।निरन्तर रुपमा दुई दशक भन्दा अघिबाट प्रकाशित उक्त पत्रिकाले हरेक स्थापना दिवसको अवसरमा वार्षिक उत्सव गरि पत्रकार र समाजसेवीलाई सम्मान गर्दै आएको छ ।
पछिल्लो समय उक्त पत्रिका अनलाइन संस्करण र यूट्युब च्यालनसँगै प्रविधीको विकासमा पनि अघि बढिरहेको छ ।
