वराहक्षेत्र/ वराहक्षेत्र नगरपालिकामा जारी तेस्रो संस्करणको वडा स्तरीय वराहक्षेत्र मेयर लिग कप रनिङ शिल्ड फुटबल प्रतियोगिता अन्तर्गत मङ्गलवार सम्पन्न खेलमा वडा नं. ९ विजयी भएको छ।
वडा नं. १० लाई १-० को अन्तरले पराजित गर्दै वडा नं. ९ तेस्रो स्थान हासिल गर्न सफल भयो।
तेस्रो स्थान हात पार्दै वडा नं. ९ ले नगद ५१ हजार रुपैयाँ, जबकि चौथो स्थानमा सीमित वडा नं. १० ले २५ हजार रुपैयाँ प्राप्त गर्नेछ। खेलमा उत्कृष्ट प्रदर्शन गरेका वडा नं. ९ का गोलरक्षक दिवस चौधरी "म्यान अफ द म्याच" घोषित भए।
उनले नगद २ हजार १ सय रुपैयाँसहित ट्रफी प्राप्त गरे।
अब बुधबार वडा नं. २ र वडा नं. ५ बीच उपाधि भिडन्त हुनेछ।
नगर खेलकुद विकास समितिको आयोजनामा जारी प्रतियोगितामा ३ पटक विजेता बन्ने टोलीले चाँदीको सुन्दर ट्रफी आफ्नो स्वामित्वमा लिनेछ। यस वर्षको विजेताले नगद २ लाख १ हजार तथा उपविजेताले १ लाख १ हजार रुपैयाँ पुरस्कारस्वरूप प्राप्त गर्नेछन्।
