यु एन कलेजका विद्यार्थी लगातार तेस्रो पटक प्रदेश टप
- फागुन ९, २०८१
- कोशीपत्र/संवाददाता
धरान/ धरान–१६ स्थित यु एन कलेजमा अध्ययनरत विद्यार्थीले यसपटकको नतिजामा पनि काेशी प्रदेशमा प्रथम, द्वितीय र तृतीय भएका छन् ।
त्रिभुवन विश्वविद्यालयले बिहीबार (हिजो) प्रकाशित गरेको होटल म्यानेजमेन्ट स्नातक दोस्रो सेमेस्टरको परीक्षामा यु एन कलेजका विद्यार्थीहरूले उत्कृष्ट नतिजा हासिल गर्दै प्रदेश टप बन्न सफल भएका छन्।
विद्यार्थी कुसुम राई (३.८६), रिश्ता तुम्बापो (३.७९) र युन्छो हाङ लिम्बु (३.७८) क्रमशः प्रदेश प्रथम, द्वितीय र तृतीय भएका हुन्।
एउटै कलेजबाट शीर्ष तीन स्थान हासिल गरेर यु एन कलेजले लगातार तेस्रो पटक ऐतिहासिक शैक्षिक रेकर्ड कायम गरेको छ।
उत्कृष्ट विद्यार्थीहरूलाई नगद पुरस्कार तथा सम्मानपत्र प्रदान गरिने कलेजका होटल व्यवस्थापन संयोजक गगन मान श्रेष्ठले जानकारी दिए।
कलेजका क्याम्पस प्रमुख डम्बर कुमार तुम्बापोका अनुसार यु एन कलेजले शैक्षिक क्षेत्रमा निरन्तर उत्कृष्टता कायम राख्दै आएको छ।
गुणस्तरीय, व्यवहारिक र रोजगारमुखी शिक्षामा जोड दिँदै आएको कलेजका निर्देशक ज्ञानेश्वर झाले बताए।
