_1693980289.gif "#")
धरान/ "विजिनेश एक्स्पो" धरानमा आज साँझ नेपालका चर्चित पप गायक सुगम पोखरेल आउने।
धरानमा जारी विजिनेश एक्स्पोको दोश्रो दिन आज नेपालका चर्चित पप गायक सुगम पोखरेल आउने भएका छन् ।
शनिबार दिउँसो १ बजेदेखि जारी एक्स्पोमा आज साँझ पोखरेलले आफ्नो साङ्गीतिक प्रस्तुती दिनेछन् ।
आज एक्स्पोको दोश्रो दिन पोखरेलले ‘फेरी त्यो दिन’, ‘पाठशाला’, ‘जाँदै छु टाढा’, ‘सम्हालिन्छ कहिले मन’, ‘रहर छ सँगै’, ‘जिन्दगी नै भन्दिन’ लगायतका दर्जनौ गीतहरुबाट एक्स्पोमा आउने आगन्तुकहरुलाई मनोरञ्जन दिलाउनेछन् ।
धरानको व्यापार व्यवसायलाई चलायमान बनाउन र स्थानीय व्यापारिक उत्पादनलाई प्रवर्धन गर्दै धरानको आन्तरिक पर्यटनलाई वृद्धि गर्ने उदेश्य सहित विजिनेश एक्स्पो धरान २०८१ प्रारम्भ गरिएको नेपाल उद्योग तथा व्यवसायी महासंघ धरानका अध्यक्ष शिवराज श्रेष्ठले जानकारी गराउनुभयो ।
एक्स्पो फागुन १० गतेसम्म सञ्चालन हुने पनि श्रेष्ठले जानकारी गराउनुभयो ।
