धरानको कृषि बजारमा नयाँ कार्य समिती चयन

धरान/ नेपालको नमुना कृषि उपज बजार स्थलको रुपमा चिनिएको धरानको कृषि उपज बजार व्यवस्थापन समितिको अध्यक्षमा काजी गिरी सर्वसम्मचत निर्वाचित भएका छन् ।

बुधबार सम्पन्न भएको बजारको अधिवेशनले गिरीको अध्यक्षतामा नयाँ कार्य समिती चयन निर्वाचित भएको हो ।

अधिवेशनले व्यवसायीहरुको तर्फबाट निर्वाचित हुने तीन सदस्यमा काजी गिरी, रमेशकुमार साह र हेमचन्द्र ढकाल निर्वाचित भएका थिए ।

यसैगरी कृषक प्रतिनिधिबाट राजेश मेहता, मच्छिन्द्र राई र महिला सदस्यमा ममता मेहता निर्वाचित भएका थिए ।

ब्यबस्थापन समितीको पदेन सदस्यमा धरान वडा नम्बर १३ का वडाध्यक्ष रहने विधानमा ब्यबस्था छ ।निर्वाचित सदस्यहरु मध्येबाट गिरी अध्यक्ष चयन भएका हुन् ।