_1693980289.gif "#")
विराटनगर/ पछिल्लो समय विराटनगर क्षेत्रका युवा लागुऔषध सेवन गर्न भारतको जोगबनी पुग्ने गरेको प्रहरीले जनाएको छ ।
‘लागुऔषध दुर्व्यसनविरुद्ध सचेतनामूलक’ भिडियो सार्वजनिक कार्यक्रममा कोशी प्रदेश प्रहरी कार्यालय विराटनगरले उक्त जानकारी दिएको छ ।
दैनिकजसो लागुऔषध सहित प्रहरीले मानिस पक्राउ गरिहेकै हुन्छन् । त्यहीपनि नियन्त्रणमा भने आउन सकेको छैन।
लागुऔषध सेवन गर्नकै लागि दैनिक ६ सय देखि ७ सयसम्म नेपाल भारतको सीमा नाका जोगबनी पुग्ने गरेको कोशी प्रदेशका प्रहरी प्रवक्ता प्रहरी वरिष्ठ उपरीक्षक (एसएसपी) भीमबहादुर दाहालले जानकारी दिए ।
उनका अनुसार लागुऔषध नियन्त्रणका लागि चारवटा जिल्लामा लागुऔषध निगरानी कक्ष समेत खडा गरिएको छ ।
कोशी प्रदेशका मोरङको रानी नाका, इलामको पशुपतिनगर, झापाको काँकडभिट्टा र सुनसरीको भण्टाबारी रहेको उनको भनाइ छ ।
लागुऔषध भर्खरै शुरुवाती गर्नेलाई अभिभावक बोलाएर काउन्सिलिङ गरेर पठाइने र प्रयोगकर्तासँगै व्यवसाय पनि गर्नेलाई कानुनी कारबाही समेत प्रहरीले गर्दै आइरहेको उनले जानकारी दिए ।
