कहाँ छन् होला,चेतनाथ अधिकारी ? "यात्रा गर्न लागेको बेला रुन हुँदैन"

धरान/मोरङको सुन्दरहरैँचाका चेतनाथ अधिकारी चार दिन देखि घरबाट बेपत्ता भएका छन् । 

उनी बुधबार विहान ५ः३० बजेदेखि बेपत्ता भएको परिवारजले बताएको छ भने उनको खोजी कार्य प्रहरी सहितले खोजी गरे पनि अहिले सम्म फेला परेका छैनन् । घरबाट निस्कनु अघि अधिकारीले लेखेको चिठी भने फेला परेको छ ।

उनले लेखेको चिठीमा यस्तो लेखिएको छ : ‘म जाँदै गर्दा कोही हाँस्ने हुनुहुन्छ भने उहाँहरूलाई कोटी–कोटी प्रणाम । र, रुनेको लागि मात्र प्रणाम ।

किनकि, कतै जान लागेको व्यक्तिलाई हाँसेर बिदाइ गर्यो भने ऊ जान्छ । तर, रुन थाल्यो भने ऊ जाऔँ कि नजाऔँ हुन्छ । त्यसैकारण जोसुकै पनि यात्रा गर्न लागेको बेला रुन हुँदैन ।’

५३ वर्षीय अधिकारी बुधबार बिहानदेखि बेपत्ता भएको परिवारजनले जनाएका छन् ।

उनी बेपत्ता भएपछि खोजी कार्यका लागि परिवारले प्रहरीमा निवेदन दिएका छन् ।

उनी जिल्ला अदालत धनकुटाका पूर्व कर्मचारी समेत रहेका उनी राष्ट्रिय परिचय पत्र बनाउनका लागि भनेर घरबाट हिँडेको बताएका थिए ।

श्रीमती कल्पना अधिकारीका अनुसार मोरङको गछिया घर भएका उनले राष्ट्रिय परिचयपत्र बनाउनका लागि धनकुटा हिँडेको र धरानमा परिवारका अन्य व्यक्तिसँग भेट गर्ने भने पनि कोहीसँग भेट नगरी वेपत्ता भएको श्रीमती अधिकारीले बताइन । उनको तीन जना छोरा र एक श्रीमती छन् ।

धनकुटा पुख्र्यौली घर रहेको उक्त परिवारको सुन्दरहरैँचामा पनि घर रहेको र तिहार मनाउन स–परिवार आएको खुलेको छ ।उनीहरु परिवार सहित काठमाण्डौ वस्दै आएका थिए ।

घर परिवारमा समेत कुनै विवाद नभएको र उनको मोबाइल पनि अफ गरि घरमै छाडेर हिँडेका थिए । 

बेपत्ता भएका अधिकारीको खोजी गर्न प्रहरीले सर्वसाधारण नागरिकसँग पनि आग्रह गरेको छ ।

 तस्बिरहरू: चिठी