वराहक्षेत्र मन्दिरमा पूर्वाधार निर्माणमा ४ करोड , एैतियासिक तथा पौराणिकको रुप फेरिदैं

वराहक्षेत्र/ वराहक्षेत्र नगरपालिका वडा नं १ मा रहेको एैतियासिक तथा पौराणिक महत्व बोकेको औलिया मठ र वराहक्षेत्र मन्दिरमा ४ करोडको लागतमा भौतिक संरचना तयार हुने भएको छ ।

नगर प्रमुख रमेश कार्कीका अनुसार संघिय सरकारको संस्कृति पर्यटन तथा नागरिक उड्ड्यन मन्त्रालयअन्तर्गत पर्यटन विभागको आर्थिक वर्ष २०८०/८१ को वार्षिक बजेटमा विनियोजित रकमबाट औलिया मठमा प्रवेशद्बार , मण्डब , टायल्स छपाइ , शौचालयको काम हुनेछ ।

वराहक्षेत्रमा टायल्स छपाइ, प्रवेशद्बार र ड्रेन निर्माणको काम हुनेछ । उक्त योजना नगरपालिकाले तयार गरेको डिपिआर अनुसार बिभागको बहुवर्षीय योजनाअन्तर्गत विनियोजित ४ करोड रुपैयाँबाट पूर्वाधार निर्माणको काम हुने विभागका डिई इन्जिनियर सचिन्द्र यादवले बताए ।

उनका अनुसार चालु आर्थिक वर्षमा २ करोड ५० लाख रुपैयाँको काम सम्पन्न हुनेछ ।

शुक्रवार उक्त योजना अनुसार काम हुने स्थानबारे नगर प्रमुख रमेश कार्कीले नागरिक उड्ड्यन मन्त्रालयअन्तर्गत पर्यटन विभागका प्रमुख इन्जिनियिर सचिन्द्र यादव , निर्माण कम्पनीका सञ्चालक सरोज श्रेष्ठ जानकारी र अवलोकन समेत गराएका छन् ।

काम अब चाडै सुरु हुने , निर्माण कम्पनीका सञ्चालक सरोज श्रेष्ठले जानकारी दिए ।

उक्त अवलोकन कार्यक्रममा प्रमुख प्रशासकीय अधिकृत गणेश वहादुर कटवाल , वडा नं १ का अध्यक्ष किसन मगर , औलिया मठ तथा छिन्नामस्त मन्दिर संरक्षण मञ्चका अध्यक्ष प्रकाश राउत, वराहक्षेत्र मन्दिर गुठि व्यवस्थापन समितिका अध्यक्ष भक्तबहादुर श्रेष्ठ लगायत स्थानीय समाजसेवि तथा बुद्बिजिविहरुको उपस्तिथि रहेको थियो ।