_1693980289.gif "#")
धरान /धनकुटाको सिसिडिआइसी फुटबल क्लब धरानमा जारी पानबारी गोल्डकपको सेमिफाइनलमा प्रवेश गरेको छ ।
आइतबार भएको खेलमा सिसिडिआइसीले २–१ गोल अन्तरले योङ बोइज एफसी तरहरालाई पराजित गर्दै सेमिफाइनलनमा प्रवेश गर्न सफल भएको हो ।
धनकुटाका लागि दोर्जे तामाङ र बुद्ध चेम्जोङले एक–एक गोल गरे भने तरहराकालागी सन्दिप लिम्बूले गोल गरेका थिए ।
प्रतिष्पर्धात्मक खेलको पहिलो हाफ गोल रहित बराबरीमा सकिएको थियो ।
दोस्रो हाफमा तरहराका डिफेन्सले डिबक्सभित्र ह्याण्ड गरेपछि पाएको पेनाल्टीमा धनकुटाका दोर्जे तामाङले गोल गरे । लगत्तै तरहराका सन्दिप लिम्बूले उत्कृष्ट गोल गर्दै खेल बराबरीमा ल्याएका थिए ।
खेलको अन्तिम मिनेटमा धनकुटाका कप्तान बुद्ध चेम्जोङले डिबक्स भित्रबाट उत्कृष्ट गोल गर्दै टोलीलाई विजयी गराएका थिए ।
उनी खेलको म्यान अफ द म्याच घोषित हुदै नगद २ हजार १ सय प्राप्त गरे । 
आज (मंगलबार ) नेपाल पुलिस क्बल र आयोजक पानबारी फुटबल क्लबबीच खेल हुने आयोजकले जानकारी दिएको छ ।
प्रतियोगिताको विजेता टिमले नगद १ लाख ११ हजार १ सय ११ प्राप्त गर्नेछ भने उपविजेताले ५५ हजार ५ सय ५५ रुपैया प्राप्त गर्नेछ ।
पानबारी फुटबल क्लबको आयोजनामा भइरहेको पानबारी गोल्डकप २९ बैशाखसम्म सञ्चालन हुनेछ ।
