दुहबीका दुईजना युवा साइकलबाट अयोध्या यात्रामा

दुहबी/  सुनसरीको दुहबीबाट दुईजना युवा भारतको अयोध्या यात्रामा गएका छन् ।

दुहबी वडा नं ६ का दुई जना युवा उर्मी पुकार पौडेल र अभिषेक मण्डल साइकलबाट उत्तरप्रदेशको अयोध्या स्थित श्री राम मन्दिरको यात्रामा गएका हुन् ।

शनिबार युवाहरुले एक कार्यक्रम गरि दुईजना युवा नेपाली झण्डा फुलमाला लगाई श्री दुर्गा मन्दिर देखि भारतको उत्तर प्रदेशको अयोध्या स्थित श्री राम जन्मभूमि यात्रा प्रस्थान गरेका छन् ।

दुहबीबाट भारतको अयोध्या ६ सय १५ किलोमीटरको यात्रा साइकलबाट ६–८ दिनमा पूरा गर्ने लक्ष्य रहेको र पूर्ण साइकलबाटै पुनः दुहबी फर्कने दुहबीका युवा पंकज शाहले बताए ।