धरान /धरान बास्केटवल संघको आयोजना तथा धरान उपमहानगरपालिकाको संयोजनमा आयोजित प्रदेश १ स्तरीय अल्फाबिटा अन्तर कलेज महिला पुरुष बास्केटबलको दोस्रो दिन धरान मेघा हिमालयन, धरान सिटी, धरान इन्जिनियर र राष्ट्रिय जनसेवक इटहरी बिजयी बनेका छन् ।
शनिबार भएको पहिलो खेलमा महिला तर्फ मेघा हिमालयन कलेजले युएन नवोदयलाइ ३८–४ अंकको फराकिलो अन्तरले पराजित गरेको थियो । यसैगरि पुरुष तर्फको खेलमा धरान सिटि कलेजले डिपो स्कुललाई २९–२८, इन्जिनियर कलेजले बिकेबिएम बिराटनगरलाई २८–२४ र राष्ट्रिय जनसेवक कलेज इटहरीले केन्द्रीय प्रविधि क्याम्पस हात्तिसारलाइ ३८–१५ अंकले पराजित गरेको छ।
खेलमा मेघाका सितल तामाङ र निरुता राइले समान ८ अंक ब्यक्तिगत जोडेका थिए । यसैगरि डिपोका रिदम राइले १३, इन्जिनियर कलेजका अनमोल राइले २२ र राष्ट्रिय जनसेवक इटहरीका विजय शाहले ११ अंक जोडेका छन ।
अल्फा विटा कोयोला एजुकेशन कन्सलटेन्सीको मुख्य प्रायोजन तथा सुनसरी बास्केटवल संघको प्राविधिक सहयोगमा आयोजित प्रतियोगिताका पुरुष तर्फका विजेताले नगद ३० हजार, उपविजेताले नगद १५ हजारसहित ट्रफी, मेडल र प्रमाणपत्र प्राप्त गर्ने छन्। छात्रातर्फका विजेताले नगद २० हजार र उपविजेताले १० हजारसहित ट्रफी, मेडल र प्रमाणपत्र प्राप्त गर्ने छन् ।
यसैगरि व्यक्तिगत विद्यामा प्रतियोगिताका मोस्ट भ्यालुएवल प्लेयर एमभिपि उपाधि महिला पुरुष विजेताले जनहि नगद दुई हजार ५ सय र हाइस्कोररले जनही दुई हजार रुपैया, ट्रफी र प्रमाणपत्र प्राप्त गर्नेछ । उदयीमान खेलाडिले ट्रफी र प्रमाणपत्र प्राप्त गर्नेछ ।
आइतबारको पहिलो खेल पुरुष तर्फ धरान सिटि कलेज र लोटस बिच क्वाटर फाइनल खेल हुनेछ। महिला तर्फ भने सियोन स्कुल र केन्द्रिय प्रबिधी क्याम्पस हात्तिसार र धरान मेघा र पब्लिक हाइ स्कुलबीच सेमिफाइनल खेल हुने आयोजकले जनाएको छ ।
