भोजपुर /भोजपुर भ्रमणमा पुगेकी राष्ट्रपति विद्यादेवी भण्डारीले अरुण नदीले दिने उपलब्धी भोजपुरबासीका लागि नै भएको बताएकी छन् । राष्ट्रपति भण्डारीले सर्वसाधारणलाई भेट्ने क्रममा यस्तो बताएकी हुन् ।
बुधवार गृह जिल्ला भोजपुरको दिङ्लामा पुगेकी राष्ट्रपति भण्डारीले भोजपुर र संखुवासभाको सीमामा बग्ने नदी अरुण नदीबाट हुने विकास निर्माणको फाइदा भोजबासीले प्राप्त गर्ने बताएकी हुन् ।
भोजपुरको वालागुरु षडानन्दको सालिक अनावरणमा सरिक हुँदै राष्ट्रपति भण्डारीले भोजपुरबासीले अरुण नदीबाट लाभ लिन सक्ने बताएकी हुन ।
गृह जिल्ला भोजपुरमा पुगेर राष्ट्रपति भण्डारीले योगमायाको समाधिस्थ साथै बाला गुरु षडानन्दको जन्म घर र दिङ्ला बजारमा रहको षडानन्द सिताराम गुठी समेत अवलोकन गरेकी थिइन ।
राष्ट्रपति भण्डारीले साल्पासिलोछो गाउँपालिका १ कुलङ्गको गौडेनि स्थित पशुपति मन्दिरमा रहको योगमायाको सालिक अनावरण पछि काठमाण्डौ फर्केकी थिइन् ।
