एम्समा प्रवेश परीक्षा सम्पन्न

धरान/ धरान–१२ को एम्स एकेडेमीले कक्षा ११ मा भर्नाका लागि सोमबार प्रवेश परीक्षा लिएको छ । २०७८ मा एसईई दिएर उत्तीर्ण भएका विद्यार्थीहरू परीक्षामा सहभागी भएका हुन् ।

प्रवेश परीक्षामा ४ सय ५० भन्दा बढी विद्यार्थी सहभागी भएको एकेडेमीका संयोजक हेमन्त भण्डारीले बताए । एकेडेमीमा अहिले साइन्स, म्यानेजमेन्ट, होटल म्यानेजमेन्ट, शिक्षा र मानविकी सङ्कायमा अध्ययन–अध्यापन भइरहेको छ । विद्यार्थीहरूबाट माग आएकाले यसै शैक्षिक सत्रबाट होटल म्यानेजमेन्टको पठनपाठन पनि शुरु गरिएको व्यवस्थापन सङ्कायका संयोजक दुर्गा सुवेदीले बताए । गुणस्तरीय शिक्षाका साथै अतिरिक्त क्रियाकलापमा समेत विशेष जोड दिइने उनको भनाइ छ ।

विज्ञानका लागि पर्याप्त मात्रामा प्रयोगात्मक सामग्रीयुक्त प्रयोगशाला भएकोले गुणस्तरीय शिक्षामा कुनै कमी नआउने शैक्षिक संयोजक नेत्र सुवेदीले बताए । विज्ञानमा प्रयोगात्मक कक्षाकै बढी महत्व हुने भएकोले आपूmहरूले फिजिक्स, केमिस्ट्री र बायोलोजीका लागि अलग–अलग प्रयोगशालाको व्यवस्था गरेको उनले जनाए । शिक्षा र मानविकी सङ्कायका विद्यार्थीहरूलाई पनि गुणस्तरीय शिक्षा दिइने एकेडेमीका प्रिन्सिपल मित्र तामाङले जानकारी दिए ।