एम्स एकेडेमीमा वक्तृत्वकला प्रतियोगिता सम्पन्न

धरान/ एम्स एकेडेमीले बुधबार विद्यालयमै आयोजना गरेको वक्तृत्वकला प्रतियोगितामा पुष्पा विश्वकर्मा पहिलो भएकी छन् ।
यसैगरी प्रतियोगितामा विशाल कालिकोटे र एन्जल अधिकारी क्रमशः दोस्रो र तेस्रो भएका छन् ।

यस्तै, अनमोल गिरी र युनिमा प्रसाईंले सान्त्वना स्थान प्राप्त गरेका छन् । २०९ औँ भानु जयन्ती तथा गुरु पूर्णिमाको अवसरमा एम्सले ‘नेपाली भाषा साहित्यमा आदिकवि भानुभक्त आचार्यको योगदान’ र ‘गुरु पूर्णिमाको महŒव’ विषयमा वक्तृत्वकला प्रतियोगिता आयोजना गरेको हो ।

प्रतियोगितामा एम्समा कक्षा १२ मा विभिन्न सङ्कायमा अध्ययनरत १५ जना विद्यार्थीले भाग लिएका थिए । विद्यार्थीहरूमा अन्तर्निहित क्षमता उजागर गर्दै उनीहरूमा राष्ट्रिय विभूति र विभिन्न दिवसहरूप्रति रुचि जगाउन यस्ता कार्यक्रम आयोजना गर्ने गरिएको व्यवस्थापन सङ्कायका संयोजक दुर्गा सुवेदीले जनाए ।