मीरगञ्ज पुल नबन्दा नेपाली उद्योगी व्यवसायी मारमा

धरान । पुल सुचारु गराउन भारतको अररियामा पुगेर व्यवसायीले ज्ञापनपत्र बुझाए l

विराटनगरका उद्योगी व्यवसायीहरुले भारत बिहारलाई नेपालको विराटनगरसँग जोड्ने मार्गमा पर्ने मीरगन्ज पुल सञ्चालनका लागि भारतको अररियालाई सम्बन्धित स्थानमै पुगेर ज्ञापनपत्र बुझाए ।

लामो समयदेखि नेपाल सरकारलाई सञ्चालनको पहलका लागि आग्रह गर्दासम्म नेपाल सरकारले सुुनुवाई नै नगरेपछि सम्बन्धित ठाउँमा नै पुगेर कलेक्टरको कार्यालय, सह जिल्ला मजिष्ट्रेट पुगेर कलेक्टर श्रीमति इनायत खानलाई ज्ञापनपत्र बुझाएका हुन् ।

उनीहरुले ६ जनवरी २०२२ मा मिरगञ्जको पुल क्षति पुगेपछि जोगबनी–विराटनगर नाकाबाट सवारी साधनको आवतजावत क्रमशः घट्दै गएको जनाउदै नेपाली उद्योगी÷व्यवसायीहरुले आफ्ना मालवाहक सवारी साधनहरु भीमनगर–भन्टाबारी भन्सार मार्फत रिरुट गर्दै आएको बताएका थिए । उनीहरुले यसले नेपाली आयातकर्ता÷निर्यातकर्ताहरुले उच्च ढुवानी लागत, अतिरिक्त समय, झन्झटिलो प्रक्रिया र अन्य विभिन्न अनावश्यक खर्चहरु व्यहोर्न बाध्य हुनु परेको र नेपाली अर्थतन्त्रमै नकारात्मक प्रभाव परिरहेको विहारका सम्बन्धित पक्षलाई ध्यानाकर्षण गराएको मोरङ व्यापार संघका अध्यक्ष नविन रिजालले बताए ।

उनले भने–‘व्यवसायीकै अनुरोधमा ८ फेबु्रअरी, २०२२मा अररीयाका तत्कालिन डिस्ट्रीक्ट मजीस्टे«ट प्रशान्त कुमार सीएच लगायत विभिन्न भारतीय निकायका अधिकारीहरु सहितको टोलीले पुलकोे निरीक्षण गरेका थिए, सवारी साधनहरुको आवागमन सूचारु गराउन शीघ्र सञ्चालनमा ल्याउ आवश्वासन दिए तर अहिलेसम्म सञ्चालनमा आउन सकेको छैन ।’

पुल क्षति भएको ६ महिनाभन्दा बढी समय वितिसक्दा समेत पुल निर्माणकाृ कामसुस्त गतिमा अघि बढेको व्यवसायीहरुको गुनासो छ । ठूला सवारी साधनको आवतजावतलाई पुनः सुचारु गर्ने सम्बन्धमा सरोकारवाला पक्षले गम्भीरता नदेखाएको उनीहरुको आरोप छ । अध्यक्ष रिजालले भने– ‘हालै जिर्णोद्वार गरिएको मीरगञ्ज पुलको क्षमता समेत विगतको क्षमता भन्दा न्यून भएकोले सो पुलको भार क्षमता वृद्धि हुने गरी जिर्णोद्वार गर्न र सोही पुलको समानान्तरमा नवनिर्मित आरसीसी पुललाई यथाशीघ्र सञ्चालनमा ल्याउन सम्बन्धित निकायलाई हामीले ध्यानाकर्षण गराएका हौं ।’