ट्याक्टर दुर्घटनाहुदाँ २ जनाको मृत्यु ४२ जना घाईते

धरान । संखुवासभाको चैनपुर नगरपालिका(१० स्थित लेगुवा खाँदबारी सडक खण्डमा ट्याक्टर दुर्घटना हुँदा २ जनाको मृत्यु भएको छ भने ४२ जना घाईते भएका छन् ।

शुक्रबार दिउँसो १ बजे मलामी बोकी पिलुवा खोलामा गई दाहा सस्कार गरी फर्कदै गरेको को २ त ३९६१ नम्बरको ट्रयाक्टर सडक साईडमा पल्टी दुर्घटना हुँदा ट्रयाक्टरमा सवार ४४ जना घाईते भएका थिए ।

दुर्घटनाबाट घाईते भएकाहरुलाई तत्काल उपचारको लागि मनकामना अस्पताल तुम्लिङटार र जिल्ला अस्पताल खाँदवारी लगिएकोमा उपचारको क्रममा चैनपुर १० का २४ बर्षीय गंगा बहादुर तामाङ र चैनपुर ९ का ४६ बर्षीय केशब कार्कीको मृत्यू भएको हो ।

ट्रयाक्टर चालक मोहन कुमार तामाङलाई प्रहरीले नियन्त्रणमा लिई घटना सम्बन्धमा थप अनुसन्धान भईरहेको जिल्ला प्रहरी कार्यालय संखुवासभाले जनाएको छ ।