गृह श्रमिक महिलाहरुको सवालमा गोष्ठी सम्पन्न

धरान । गृह श्रमिक सरोकार समाज नेपाल रातो पुल काठमाडौंको आयोजना होम नेट साउथ एशियाको सहयोग गृह श्रमिक महिला ढाका लघु उद्यमी समाज नेपाल धरान सुनसरीको संयोजनमा एक दिने कार्यशाला गोष्ठी सम्पन्न भएको छ ।

धरानको न्यू ड्रिम ल्याण्ड होटलको सभाकक्षमा गृह श्रमिकका सवाल र कोभिडको असर विषयक एकदिने कार्यशाला गोष्ठी सम्पन्न भएको हो ।

गृह श्रमिक सरोकार समाजकी अध्यक्ष प्रभा पोख्रेलको अध्यक्षता धरान उपमहानगरपालिकाका उपप्रुमख अइन्द्र विक्रम बेघाको प्रमुख आतिथ्यमा सम्पन्न भएको सो कार्यशाा गोष्ठीमा नेपाली काँग्रेसका केन्द्रीय सदस्य मिन कुमार विश्वकर्मा संविधान सभा सदस्य किरण कुमार राईको उपस्थिति रहेको थियो । सो अवसरमा गृह श्रमिक महिलाहरुको तथ्याङ्क राखी स्थानीय तहमा गृहश्रमिक महिला र रोजगारका लागि हेल्प डेक्स राख्न माग गर्दै कार्यक्रमका प्रमुख अतिथि एवम् धरान उपमहानगरपालिकाका उपप्रमुख अईन्द्र विक्रम बेघालाई ज्ञापन पत्र समेत बुझाईएको थियो ।