_1693980289.gif "#")
धरान । सुनसरीको दुहवीमा विश्व रक्तदान दिवसको उपलक्ष्यमा खुल्ला रक्तदान कार्यक्रम सम्पन्न भएको छ ।
रक्तदान जीवनदान भन्ने मुलमन्त्रलाई आत्मसाथ गर्दै दुहवी जेसीज तथा रौनियार सेवा समितिको संयुक्त आयोजनामा नेपाल रेडक्रस विराटनगरसंगको सहकार्यमा खुल्ला रक्तदान कार्यक्रम सम्पन्न भएकोे हो ।
मंगलबार दुहवी नगरपालिकाको प्रांगरणमा आयोजित रक्तदान कार्यक्रममा ३६ पिन्ट रगत संकलन भएको दुहवी जेसीजका अध्यक्ष दिपेश राउतले बताए ।
दुहवी जेसीज तथा रौनियार सेवा समितिको संयुक्त आयोजनामा भएको कार्यक्रमका रक्तदान गनेहरुलाई प्रशंसापत्र प्रदान गरिएको कार्यक्रम संयोजक कुनाल रौनियारले बताए ।
रक्तदान कार्यक्रममा दुहवी नगरपालिका वडा नं. ५ वडा अध्यक्ष रमेश कुमार रौनियार, वडा नं. ६ का वडा अध्यक्ष घनश्याम हलुवाई, दुहबी जेसिजका पूर्व अध्यक्ष, दुहवी जेसीजका अध्यक्ष दिपेश राउत, रौनियार सेवा समिति दुहवीका अध्यक्ष जय प्रकाश रौनियार, रौनियार युवा मञ्का अध्यक्ष प्रमोद रौनियार, रौनियार महिला मञ्चकी अध्यक्ष वन्दना रौनियार लगायतको सहभागीता रहेको थियो ।
_Poush 22_1736170149.jpg "#")