भाषा तालिम सम्पन्न

धरान । नेवाः देय दवु धरानको आयोजनामा भएको ४५ दिने भाषा तालिम सोमबार सम्पन्न भएको छ । सिद्धि नेवा: परिषदको भवनमा गत जेष्ठ १९ गतेदेखि भाषासम्बन्धी तालिम भएको थियो ।

समापन कार्यक्रममा बोल्दै धरान उपमहानगर पालिका उप– प्रमुख आइन्द्र बिक्रम बेघाले भाषाको विकासले जातिको उत्थान हुने बताए । उनले भने–‘ हरेक जातिले भाषाको विकास गर्नु अपरिहार्य रहेको छ, सबै जातिको पहिचानको माध्यम भाषा पनि एक हो ।’

नेपाल आदिवासी जनजाति महासंघ समन्वय परिषद धरानका सल्लाहकार चित्रराज थापा मगरले राज्यसत्ताले भाषालाई मह्त्व नदिएको आरोप लगाए । उनले भने–‘नेपाल वहुभाषित देश भएकोले सबै जातजातिको भाषाको उत्थानमा राज्य लाग्न जरुरी छ ।’

धरान उपमाहानगर पालिका कार्यपालिकाको आर्थिक बर्ष २०७८– ०८९ को जनजातिका लागि छुटाएको बजेटबाट तालिम सञ्चालन गरएको हो ।

समापन कार्यक्रममा तमु ध्युल छोज घी धरानका अध्यक्ष पृथ्वीमान गुरुङ , नेपाल तामाङ छेदुङ धरानका अध्यक्ष गोपाल सुनुवार , नेपाल शेर्पा संघ धरानका उपध्यक्ष प्रेम शेर्पा, किराँत याक्खा छुम्मा धरानका उपाध्यक्ष हेनसेन याक्खा, किरात याक्थुङ चुम्लुङ धरान सदस्य रिता खापुङ र आदिवासी जनजातिका महिला महासंघ धरानका कोषाध्यक्ष सुमित्रा राईको उपस्थित रहेको थियो । नेवा देय दवु धरानका नगर अध्यक्ष मनोहर शाक्यको अध्यक्षतामा सम्पन्न कार्यक्रम सचिव दिपेन्द्र श्रेष्ठले सञ्चालन गरेका थिए ।