वराहक्षेत्रको वडावडामा जेसिभी र ट्रयाक्टर पठाउने

धरान । बराहक्षेत्र नगरपालिकाले शुक्रबार बसेको पहिलो कार्यपालिका बैठकले प्रत्येक गाउ गाउमा जेसिभी र ट्याक्टर पठाउने निर्णय गरेको छ ।

बैठकले नगरपालिकामा रहेको जेसीभीलाई प्रत्यक वडामा रोटेशन मिलाएर ५ – ५ घण्टा प्रयोग गर्ने निर्णय गरेको हो । त्यो बाहेक प्रकोप व्यवस्थापनमा जेसीभि प्रयोग गर्ने निर्णय गरेको छ । वैठकले नगरपालिका रहेको २ वटा ट्याक्टर र वडामा रहेको २ वटा ट्याक्टरलाई ११ वटा वडामा फोहोर व्यवस्थापनमा प्रयोग गर्ने निर्णय गरेको छ । त्यस्तै चालु आर्थिक बर्षमा सञ्चालित निर्माणाधीन योजनाहरु अनुगमन गरि निर्माण कम्पनीलाई गुणस्तरीय र चाडो काम गर्न निर्दशन दिने, नगरमा रहेको जोखिमपूर्ण क्षेत्रको अवलोकन गरि व्यवस्थापनको तयारी गर्ने निर्णय गरिएको छ ।
वैठकले विभिन्न विषयगत समिति गठन गरेको छ । वैठकले १३ वटा बिषयगत समिति र ३ वटा उप –समिति गठन गरेको हो । प्रमुख प्रशाशकीय अधिकृत

गिरिका अनुसार नगर प्रमुख रमेश कार्कीको संयोजकत्वमा बजेट सिमा निर्धारण तथा स्रोत अनुमान समिति, उप–प्रमुख नन्दकुमारी राईको संयोजकत्वमा राजेश्व परामर्श समिति , अनुगमन समिति र बजेट तथा नीति कार्यक्रम तर्जुमा समिति गठन भएको छ ।

त्यस्तै वराहक्षेत्र वडा नं ११ का वडाध्यक्ष कृष्णकुमार महत्तोको संयोजकत्वमा विधान समिति , वडा नं १० का वडाध्यक्ष तेजबहादुर गुरुङ्गको संयोजकत्वमा आर्थिक विकास समिति , वडा नं ३ का वडाध्यक्ष राजदिप लामाको संयोजकत्वमा पुर्वआधार विकास समिति, वडा नं ८ का वडाध्यक्ष रोशन खड्काको संयोजकत्वमा सामाजिक विकास समिति , कार्यपालिका सदस्य रत्नबहादुर रम्तेलको संयोजकत्वमा सुशासन तथा संस्थागत विकास समिति , वडा नं ४ वडाध्यक्ष आशाराम चौधरीको संयोजकत्वमा वन तथा वारावरण, विपत व्यवस्थापन समिति , वडा नं २ का वडाध्यक्ष होमप्रसाद गौतमको संयोजकत्वमा सार्वजनिक लेखा समिति, वडा नं ५ का वडाध्यक्ष रोहित काफ्लेको संयोजकत्वमा शिक्षा समिति , वडा नं ७ का वडाध्यक्ष कपिल आचार्यको संयोजकत्वमा नगर खेलकुद विकास समिति गठन भएको छ ।

त्यस्तै उप– प्रमुख नन्दकुमारी राईको संयोजकत्वमा अपाङ्ग रोकथाम तथा पुनःस्थापना उप– समिति र नगर प्रमुख कार्कीको संयोजकत्वमा सामाजिक सुरक्षा तथा व्यक्तिगत घटना दर्ता उपसमिति र गरिबी निवारण तथा लघु उद्यम बिकास समिति गठन भएको प्रमुख प्रशाशकीय अधिकृत गिरीले जानकारी दिए ।