_1693980289.gif "#")
धरान । प्रदेश एक सरकारले आर्थिक बर्ष ०७९÷८० का लागि पेश गरेको नीति तथा कार्यक्रममा कृषि तथा स्थानीय उत्पादनलाई उच्च प्राथमिकतामा राखेको छ ।
सरकारका तर्फबाट प्रदेश प्रमुख परशुराम खापुङले बुधबार प्रदेशसभामा नीति तथा कार्यक्रम प्रस्तुत गर्दै कृषि तथा स्थानीय उत्पादनमा बढी प्राथमिकता राखेको बताएका हुन् ।
प्रस्तुत नीति तथा कार्यक्रममा सरकारले कृषि क्षेत्रको विकासको लागि प्रादेशिक कृषि विकास रणनीति तय गर्ने उल्लेख छ । यस्तै दिगो कृषि विकासका लागि माटो परीक्षण र माटो सुधार कार्यक्रम ल्याउने, उत्पादनको आधारमा किसानलाई सोझै अनुदान दिने, किसानलाई मौसम सम्बन्धित नियमित सूचना दिने व्यवस्था गर्ने, किसान परिचयपत्रलाई अनिवार्य गर्दै लाने, स्थानीय तह, कृषि सहकारी र नीजि क्षेत्रको सहकार्यमा एक पालिका एक उत्पादन कार्यक्रम लागू गर्ने लगायत उल्लेख छ । यस्तै प्रदेश सरकारले किसानलाई सोझै अनुदान दिने योजना ल्याएको छ । खापुङले उत्पादनका आधारमा किसानलाई सोझै अनुदान दिने बताएका हुन् ।
पशु र माछाको नस्ल सुधार अभियान सञ्चालन गर्ने नीति प्रदेश सरकारले ल्याएको छ । आत्मनिर्भरता बढाउन तराकारी खेती र उन्नत बीउ विजनको प्रयोगलाई प्रोत्साहन गर्ने नीति लिएको छ ।
यसैगरी नीति तथा कार्यक्रममा घरेलु मदिरालाई ब्राण्डिङ गर्ने योजना अगाडि सारेको छ प्रदेश १ मा नेपाली कोदोको रक्सीलाई ‘ब्राण्डिङ’ गरी बिक्री वितरण गर्न कानूनी र व्यवहारिक पक्षको अध्ययन भने पूर्व सामाजिक विकास मन्त्री उषाकला राईको कार्यकालमा भएका थियो । सोही कार्यक्रमलाई राजेन्द्र राईको सरकारले समेत निरन्तरता दिँदै नीति तथा कार्यक्रममा समेटेका छन् ।
रक्सी ब्राण्डिङ गर्ने विषयमा नीति तथा कार्यक्रम वाचन गर्दै प्रदेश प्रमुख खापुङले संघीय सरकारको समन्वयमा प्रदेशका नागरिकको आय आर्जन र रोजगारी सिर्जना गर्न घरेलु मदिरा ब्रान्डिङ गरिने जनाएका हुन् ।
_Poush 22_1736170149.jpg "#")