सिद्धबाबा प्रकरणः जिल्ला अदालतको फैसला उच्चले उल्टायो

धरान । सिद्धबाबा भनिने कृष्णदाशको पक्षमा जिल्ला अदालत सुनसरीले गरेको फैसला उच्च अदालत विराटनगरले उल्टाइदिएको छ ।

उनलाई महिला महिला अनुयायीमाथि जबरजस्ती करणीको मुद्दा परेको थियो । गिरीलाई २०७७ मंसिर २२ गते जिल्ला अदालत सुनसरीका तत्कालीन न्यायाधीश अर्जुनप्रसाद कोइरालाको इजलासले सफाइ दिएको थियो । तर उनको विरुद्धमा पुन ः उच्च अदालत विराटनगरमा रिट हालेका थिए । मंगलबार उच्च अदालत विराटनगरका कायममुकायम मुख्य न्यायाधीश सत्यमोहन जोशी थारु र किरणकुमारी गुप्ताको संयुक्त इजलासले जिल्लाको आदेश उल्टाएको हो ।

उच्च अदालत विराटनगरका सूचना अधिकारी ओम सुवेदीका अनुसार उच्च अदालतले जिल्लामा पेश भएका प्रमाणहरु पुनः बुझेर फैसला गर्न जिल्लालाई आदेश भएको छ ।

इजलासले पीडित र पीडक पक्षबीच भएको भ्वाइस कलको परीक्षण गर्न, पीडित महिलाको स्वास्थ्य परीक्षण गर्ने चिकित्सकको बकपत्र गर्न र पीडित र पीडक पक्षको बकपत्र तथा प्रमाणहरु बुझेर पुनः पेश गर्ने फैसला गरेको हो ।