खुसीयाली मनाउने क्रममा वडा सदस्यको मृत्यु

धरान । धनकुटाको चौवीसे गाउँपालिकाका एक वडासदस्यको निर्वाचित भएपछि खुशियाली मनाउने क्रममा मृत्यु भएको छ ।

धनकुटाको चौबिसे गाउँपालिका वडा नं २ का नवनिर्वाचित वडा सदस्य सूर्य अटल मगरको मृत्यु भएको प्रहरीले जनाएको छ ।

शनिवार आएको मत परिणाम अनुसार खुल्ला तर्फ उनी निर्वाचित भएका थिए । निर्वाचन आयोगले मत परिणाम सार्वजनिक गरी उनी विजेता भएको घोषणा गर्ने वित्तिकै खुसीयाली मनाउने क्रममा उनी बेहोस भएर ढलेका थिए । उनलाई उपचारका लागि नोबेल अस्पताल विराटनगरमा लगिएको थियो ।

उपचारकै क्रममा उनको मृत्यु भएको धनकुटाका प्रहरी नायव उपरीक्षक चिरञ्जीवी दाहालले जानकारी दिए । मगर नेकपा एमालेको तर्फबाट विजयी भएका थिए ।