'दक्ष कर्मचारी नभएकै कारण जनताले पानी पाएनन्'

धरान । नेकपा एमालेका तर्फबाट उपमेयरका उमेद्वार बनेका पदम इस्बो लिम्बुले धरान खानेपानी व्यवस्थापन बोर्डमा दक्ष प्राविधिक नभएकै कारण धरानको खानेपानी समस्या चुलिएको बताएका छन् ।

चुनावी कोणसभालाई सम्बोधन गर्दै उनले बोर्डका अध्यक्ष तिलक राईले समान रुपमा धरानका सर्वसाधारणको धारामा पानी नआउने कारणबारे खोजी गर्नुको सट्टा आफ्ना आफन्तलाई बोर्डमा जागिर दिनेतिर मात्र ध्यान केन्द्रित भएकोले यस्तो समस्या भएको बताए । उनले एमालेको नेतृत्वले उपमहानगरपालिकाको जिम्मेवारी यस्ता कुरालाई सुधार गरेर धरानेहरुको बर्षौदेखिको खानेपानीको समस्या समाधानत गर्नेतर्फ केन्द्रित हुने बताए । उनले भने–‘हामीलाई जिताउनुस् हामी यस्ता प्राविधिक कठिनाईलाई समाधान गर्दै धरानेबासीको अपेक्षा हामी पूरा गर्छौै ।